مشاركة:
أغلب مشاكل أي ديزاين بتبقى في الخط. بنختاره عشان شكله حلو، مش عشان يليق على البراند.
جمعتلك ٣١ خط عربي مجاني في فايل واحد، وكل خط معاه أخوه الإنجليزي، ومتقسمين بالإحساس اللي بيدّيه.
الرابط المختصر: yrstudio.art/go/font
الخطوط متقسمة بالإحساس
- «ثق فيّا»: جاد ومستقر، لعقارات وتكنولوجيا وبنوك.
- «متخافش مني»: ودود وقريب، لأطفال وحلويات.
- «أنا غالي»: فخم وهادي، لعطور ومجوهرات وفاشون.
- «أنا سهل وواضح»: مريح للعين، لمواقع وتطبيقات وكاروسيل فيه كلام كتير.
- «مكتوب بالإيد»: عفوي وابن بلد، لأكل وكامبينز سوشيال.
- «بيزعّق»: صوت عالي، للعناوين والبوسترات بس.
جوه كل كارت
- جملة عربي وجملة إنجليزي مكتوبين بالخط نفسه، فتشوف العيلة كلها مرة واحدة.
- أخوه الإنجليزي: لو ليه اسم تاني (زي Readex Pro وLexend)، أو لو الإنجليزي جوه نفس الخط.
- الأوزان الحقيقية بتاعته.
- ينفع للعناوين والنصوص، ولا للعناوين بس.
- زرار تحميل بيوديك لصفحة الخط على Google Fonts.
قبل ما تختار أي خط، اسأل ٥ أسئلة
- أطرافه حادة ولا مدوّرة؟ الحاد بيقول «ثق فيّا»، والمدوّر بيقول «متخافش مني».
- سُمكه ثابت ولا بيتغيّر؟ اللي بيتغيّر بيقول «أنا غالي»، والثابت بيقول «أنا سهل وواضح».
- بيتقري وهو صغير؟ لو بقى بقعة، يبقى للعناوين بس.
- ليه أوزان؟ الأوزان بتخلّي البراند يتكلم بكذا نبرة.
- ليه أخ إنجليزي؟ لو العربي والإنجليزي من عيلتين، هتبني اتنين براند.
الرابط المختصر: yrstudio.art/go/font
#خطوط عربية#تايبوجرافي#براندنج#أدوات مجانية
أسئلة شائعة
الخطوط دي ينفع أستخدمها في شغل تجاري؟
كلها على Google Fonts برخصة OFL، ودي بتسمح بالاستخدام التجاري. اتأكد بس من صفحة الخط قبل أي مشروع كبير.
يعني إيه أخوه الإنجليزي؟
خط إنجليزي من نفس العيلة، فالعربي والإنجليزي يبانوا براند واحد. أغلب الخطوط في الفايل الإنجليزي جوه نفس الخط، وبعضها ليه أخ باسم تاني زي Readex Pro وLexend.
جاهزٌ لبناء علامةٍ أقوى؟
احجز جلسة استكشاف مجانيّة، سنستعرض موقعك الحاليّ وفرص التطوير خطوةً بخطوة.
احجز جلسة استكشاف