مشاركة:
بعد ما تخلّص أي لوجو، بتقعد ساعة تعمل Export واحد واحد: ألوان، وأسود، وأبيض، وكل لون من البراند لوحده، وهوريزونتال وفيرتكال، وكل ده بكذا صيغة وكذا مقاس.
عملت سكريبت لـ Illustrator بيعمل الشغل ده كله بزرار واحد. على لوجو حقيقي طلّع 145 ملف مترتبين في فولدرات.
الرابط المختصر: yrstudio.art/go/script
بيعمل إيه؟
- كل نسخ الألوان: Full Color وأسود وأبيض، وMonochrome بكل لون من ألوان البراند. بيكتشف الألوان لوحده.
- Horizontal وVertical: بيبنيهم من الأيقونة والكلام بنفس النسب اللي إنت رسمت بيها، وكمان الأيقونة لوحدها والوورد مارك لوحده.
- عربي ← الأيقونة يمين: ولو الكلام إنجليزي، الأيقونة شمال.
- كل الصيغ: PNG شفاف بمقاسات بالبكسل، وSVG وPDF وEPS، وAI وJPG لو حبيت.
- فولدرات مترتبة: وكل ملف باسم واضح، وملفك الأصلي مش بيتلمس.
التسطيب في ٣ خطوات
- فك الملف المضغوط، وشغّل Open-Scripts-Folder.jsx من File › Scripts › Other Script. هيفتحلك فولدر الـ Scripts الصح.
- انسخ Logo-Export-Pack.jsx جوه الفولدر ده.
- اقفل Illustrator وافتحه تاني، وهتلاقيه في File › Scripts.
علشان الهوريزونتال والفيرتكال يشتغلوا، خلي الأيقونة في Group والكلام في Group تاني. وكل التفاصيل في ملف read me اللي جوه.
جوه الملف المضغوط
- Logo-Export-Pack.jsx: السكريبت.
- Open-Scripts-Folder.jsx: بيوصّلك لفولدر التسطيب.
- read me.pdf: التسطيب والاستخدام والمميزات بالتفصيل.
الرابط المختصر: yrstudio.art/go/script
#Illustrator#سكريبت#تسليم اللوجو#أدوات مجانية
أسئلة شائعة
السكريبت بيشتغل على أنهي نسخة من Illustrator؟
اتجرب على Illustrator 2026 على Windows، ومعمول بـ ExtendScript اللي بتدعمه نسخ Illustrator CC.
ليه الهوريزونتال والفيرتكال مش شغالين عندي؟
لازم اللوجو يبقى جزئين: الأيقونة في Group والكلام في Group تاني.
هيغيّر في ملفي الأصلي؟
لأ، كل الشغل بيحصل في ملفات مؤقتة.
جاهزٌ لبناء علامةٍ أقوى؟
احجز جلسة استكشاف مجانيّة، سنستعرض موقعك الحاليّ وفرص التطوير خطوةً بخطوة.
احجز جلسة استكشاف