مشاركة:
«مش عاجبني»، «عايزه يبان أكتر»، «ممكن تعديل صغير؟»… كل مصمم سمع الجمل دي. الملف ده فيه أكتر من ١٠٠ موقف بيقابلك مع العميل، ولكل موقف رد جاهز تنسخه وتعدّل الفراغات.
الرابط المختصر: yrstudio.art/go/client
الصيغة اللي تقفل أي نقاش
أي قرار في التصميم دافع عنه بسبب من البريف، مش بذوقك:
«بما إن جمهورنا [مين]، اخترت [إيه] عشان [النتيجة اللي العميل عايزها].»
مثال: «بما إن جمهورنا أهالي أطفال، اخترت ألوان فاتحة ودافية عشان الأم تحس إن ابنها في أمان.»
جوه الملف إيه؟
- ردود للون والخط واللوجو والتكوين.
- الملاحظات الغامضة، ورأي الزوجة والصاحب واللجنة.
- المراجع والنسخ من المنافس.
- التعديلات والنطاق، والسعر والدفع، والمواعيد.
- الملفات والحقوق، والـ AI وكانفا و«أنا أعملها بنفسي».
- جمل ممنوعة وبدايلها، وقالب رسالة اتفاق قبل ما تبدأ أي مشروع.
مثال من الملف
العميل: «مش عاجبني اللون» (من غير سبب)
«تمام، خلّيني أفهم أكتر: هل اللون نفسه، ولا الإحساس اللي بيوصله؟ يعني شايفه [هادي زيادة / قوي زيادة / مش شبهنا]؟ على حسب ردك هقترح درجتين تانيين من نفس الاتجاه.»
ليه بيشتغل: بتحوّل «مش عاجبني» لملاحظة تقدر تشتغل عليها، وبتفضل في نفس الاتجاه بدل ما تبدأ من الصفر.
الرابط المختصر: yrstudio.art/go/client
#العملاء#فريلانس#تعديلات#تسعير
أسئلة شائعة
هل ملف ردود العميل مجاني؟
أيوه، الملف مجاني بالكامل وتقدر تحمّله PDF من الصفحة دي.
الردود تنفع مع العميل الخليجي؟
الردود مكتوبة بعربي بسيط ومهذب، تنفع مع العميل المصري والخليجي. غيّر الكلمات اللي بين [ ] بتفاصيل مشروعك.
جاهزٌ لبناء علامةٍ أقوى؟
احجز جلسة استكشاف مجانيّة، سنستعرض موقعك الحاليّ وفرص التطوير خطوةً بخطوة.
احجز جلسة استكشاف