مشاركة:
جملة قصيرة زي «عايز صورة لواحد سعودي بيصب قهوة» بتطلّع صورة حلوة جدًا. بس الصورة الحلوة مش دايمًا صورة تنفع تصمم عليها: ممكن مايبقاش فيها مكان للعنوان، وألوانها مش ألوان البراند، ومقاسها مش مقاس البوست.
الدليل ده بيوريك إزاي تكلّم ChatGPT كأنك بتدّي بريف لمصوّر، فيطلعلك الصورة اللي تصميمك محتاجها.
الرابط المختصر: yrstudio.art/go/stock
الطريقة في ٣ خطوات
- اكتب جملة بسيطة باللي في دماغك. الصورة اللي هتطلع مسودة هتتعلم منها، مش هتستخدمها.
- بص عليها بعين مصمم: إيه اللي عاجبك؟ فين هتحط الكلام؟ الخلفية هادية؟ المقاس والألوان مناسبين؟
- افتح شات جديد واكتب اللي عجبك وضيف عليه اللي التصميم محتاجه، باستخدام القالب اللي تحت.
قالب البرومبت
انسخه وغيّر اللي بين القوسين بس:
عايز صورة ستوك واقعية جدًا كأنها متصورة بكاميرا حقيقية.
في الصورة: [مين أو إيه، شكله، لبسه أو خامته، وبيعمل إيه].
المكان: [المكان والخلفية، وهل الخلفية مبلورة].
الكاميرا: [نوع اللقطة]، من زاوية [الزاوية].
النور: [نوع النور] جاي من [الاتجاه].
الألوان: [لون 1 #HEX] و[لون 2 #HEX]، والإحساس العام [المود].
سيب مساحة فاضية على [يمين / شمال / فوق] الصورة علشان هحط كلام.
المقاس: [1:1 / 2:3 / 3:2].
ممنوع: أي كلام أو حروف، أي لوجوهات، علامة مائية، أو أي أشخاص زيادة.جوه الدليل إيه؟
- الست أسئلة اللي أي طلب صورة لازم يجاوب عليها.
- قاموس كلمات: أنواع اللقطات، زوايا الكاميرا، النور، والمود.
- أكتر من ٢٠ مثال جاهز لمجالات مختلفة: مطاعم، عطور، عقارات، عيادات، جيم، تعليم، وغيرهم.
- إزاي تعدّل الصورة من غير ما تبوظ، وتشيك ليست قبل ما تبعت، وأشهر الأخطاء.
الرابط المختصر: yrstudio.art/go/stock
#ChatGPT#AI#ستوك#برومبت
أسئلة شائعة
هل دليل برومبتات الستوك مجاني؟
أيوه، الدليل مجاني بالكامل وتقدر تحمّله PDF من الصفحة دي.
ليه أكتب برومبت مفصّل لصور الستوك؟
البرومبت المفصّل مش علشان الجودة، علشان التحكم: الكادر، والخلفية، والألوان، والمقاس، ومكان الكلام.
جاهزٌ لبناء علامةٍ أقوى؟
احجز جلسة استكشاف مجانيّة، سنستعرض موقعك الحاليّ وفرص التطوير خطوةً بخطوة.
احجز جلسة استكشاف